Өч яшьлек бала машинаны суга батырган

Читада өч һәм тугыз яшьлек ике бала һәм ике өлкән кеше утырган автомобиль күлгә төшеп киткән, бер кеше батып үлгән. Мәгълүматлар буенча, автомобильне суга очраклы рәвештә өч яшьлек бала төшерә. Тикшерүчеләр аныклап узганча, ТЭЦ-1 су каналы ярында алты кешедән торган компания ял иткән. 18 июнь кичендә алар китәргә җыенган һәм яр буенда торган машинага әйберләр сала башлаган. Бу вакытта машина йөртүче утыргычында утырган өч яшьлек малай аны очраклы рәвештә кабызып җибәрә. Механик тапшыру тартмасы белән җиһазландырылган машина суга төшеп китә. Канал тирән булу сәбәпле, машина шундук төпкә китә. Өлкәннәр балаларны коткара, артта утырган бер ирне чыгара алмыйлар. Сулыклар янында бик игътибарлы булырга кирәк тә бит... Фото: mk.ru Автор: Резеда Галикәева