Электрон рассылкага язылыгыз

Бу хакта район Эчке эшләр бүлегенең ЮХИДИ бүлекчәсе җитәкчесе Айнур Ямалиев хәбәр итә. Шулар арасыннан 3 йөртүче – куркынычсызлык каешын такмый йөргәнгә, 6сы – иминият полисы булмаганга, тагын 6 йөртүче – документлары өйдә онытылып калу сәбапле административ җаваплылыкка тартылган. Штрафын вакытында түләмәгән йөртүчегә дә закон нигезендә җавап бирергә туры киләчәк. Киемендә яктылык кайтаргыч элемент булмаган 1 җәяүле теркәлгән. 1 йөртүче юл һәлакәте урынын ташлап киткән, аның эше бүгенге көндә судта. Руль артына спиртлы эчемлекләр кулланып утыручыны да җәзаның катгые көтә.

– Штрафларыгыз турында һәрдаим хәбәрдар булып торасыгыз килсә, ЮХИДИ бүлекчәсенә килеп, электрон рассылкага гариза язып үтәргә кирәк була. Шуның нигезендә штраф турында хәбәрләр турыдан-туры электрон почтагызга килеп торачак, – дип хәбәр итә Айнур Ямалиев.