KazanSummit 2021дә беренче ислам маркетплейсы проектын тәкъдим итәчәкләр
Саммит вакытында шулай ук Россиядә «тыйнак мода» инфраструктурасын булдыру мәсьәләләрен карау планлаштырыла.
Яңа электрон мәйданчыкларны «Россия – Ислам дөньясы: KazanSummit 2021»XII халыкара икътисадый саммиты кысаларында тәкъдир итү планлаштырыла. Бу хакта «Татар-информ»га ТР Инвестицион үсеш агентлыгында хәбәр иттеләр.
"Саммит кысаларында "Хәләл" индустриясе: тәҗрибә, перспективалар" сессиясе узачак, аның барышында «Свое.Родное» һәм «Свое. Фермерство» маркетплейс мәйданчыкларын тәкъдир итү булачак. Шулай ук «All-Islam» проекты - мөселман товарларының беренче маркетплейсы. Чараның модераторы РФ мөфтиләр советының «Хәләл» стандартлаштыру һәм сертификацияләү халыкара үзәге җитәкчесе Айдар Газизов булачак», - дип билгеләп үттеләр ведомствода.
Саммит вакытында шулай ук Россиядә «Тыйнак мода» инфраструктурасын булдыру мәсьәләләрен карау планлаштырыла, модератор-Modest Covered һәм Russia Modest Fashion Weekның Татарстандагы рәсми вәкиле Джаннат Минһаҗева.
«Россия – Ислам дөньясы: KazanSummit 2021» XII халыкара икътисадый саммиты Казанда 2021 елның 28-30 июлендә узачак. Саммитның лейтмотивы булып аңлы куллану торачак. Форум барышында партнерлык финанслары, хәләл индустриясе, Яшьләр дипломатиясе, медицина, спорт, креатив индустрия, экспорт үсеше, эшмәкәрлек һәм инвестицияләр мәсьәләләре яктыртылачак. Чара мәйданчыгында шулай ук Russia Halal Expo хәләл индустриясе күргәзмәсе һәм машина төзелеше кластер форумы узачак.
Чыганак: https://tatar-inform.tatar/
Следите за самым важным и интересным в Telegram-каналеТатмедиа
Нет комментариев