“Кош гриппы” безгә якынлаша

Газетаның элекке саннарында Татарстанның 3 районында шушы авыру аркасында меңләгән кош-кортның юк ителүе турында язган идек. Менә – яңа хәбәр. “Кош гриппы” теркәлгән Питрәч, Лаеш һәм Буа районнарына Яшел Үзән районы да өстәлде. Монысы инде безнең күрше. Әлеге районның “Большие Ключи” авылында 170 мең күркәне «Кош гриппы» аркасында яндырып, юк иткәннәр. Ул гына түгел, әлеге чыганакның тирә-ягындагы 5 километр территориядә барлык кош-кортлар да юк ителә. Бу хакта районның Ветстанция белгечләре хәбәр итте.