Бу хакта төбәк губернаторы Андрей Воробьев хәбәр итә.
«БПЛА һөҗүмнәре нәтиҗәсендә һәлак булучылар саны икегә кадәр артты. Барыбинода (Домодедово) коткаручылар шәхси йорт җимерекләре астынннан һәлак булган 71 яшьлек ир-атны тапкан. Өйдә булган хатын-кыз зыян күргән. Шулай ук Солнечногорск округының Радумля бистәсендә 20 яшьлек ир-атның үлеме расланган», – дип язган Воробьев МАКСтагы каналында. Ул зыян күрүчеләргә барлык кирәкле медицина ярдәме күрсәтүләрен белдергән.
7 торак пунктта 47 шәхси йорт һәм 3 автомобиль зыян күргән. Моннан тыш, Солнечногорск округындагы складларның берсендә зур булмаган янгын чыккан - аны инде сүндергәннәр.
Хәзерге вакытта урыннарда ашыгыч һәм коммуналь хезмәтләр эшли.
Нет комментариев