Рөстәм Миңнеханов төбәк җитәкчеләре арасында «Хакимият индексы»нда икенче урынны алды

Татарстан Президенты Рөстәм Миңнеханов төбәк җитәкчеләре арасында «Хакимият индексы» рейтингында икенче урынны алды. Декабрь өчен рейтингны «Давыдов.Индекс» агентлыгы аналитиклары әзерләгән.

Рейтингта Мәскәү мэры Сергей Собянин беренче урынны алган, өченче урында Чечня башлыгы Рамзан Кадыров.

Һәр катнашучыга һөнәри абруе, аның аппарат-лоббист потенциалы, аның җитәкчелегендәге өлкәнең әһәмияте, яше, зур уңышлары һәм/яки уңышсызлыклары кебек сыйфатларына карап бәя бирелгән.

Моннан тыш, төбәкнең эчке сәясәт кураторлары арасында Россия буенча өченче урынны Татарстан Президенты Аппараты җитәкчесе урынбасары — Эчке сәясәт мәсьәләләре департаменты җитәкчесе Александр Терентьев алды. Рейтингта аннан алда Төмән өлкәсе вице-губернаторы Сергей Сарычев һәм Санкт-Петербург губернаторы аппараты җитәкчесе Любовь Совершаева тора.

Чыганак: https://tatar-inform.tatar/news/official/28-12-2020/r-st-m-mi-nehanov-t-b-k-it-kchel-re-arasynda-hakimiyat-indeksy-nda-ikenche-urynny-aldy-5795964