Собянин Мәскәүдә COVID-19 инфекциясеннән вакцинация башлану турында игълан итте

Мәскәүдә COVID-19 инфекциясеннән вакцинацияләү процессы башланды. Башкала мэры Сергей Собянин үз блогында биш сәгать эчендә прививкага биш мең кеше язылганлыгын әйтте. Бу хакта РИА Новости хәбәр итә.

«Ковидтан вакцинацияләүнең катлаулы процессы башланды. Беренче биш сәгать эчендә прививкага биш мең кеше — укытучылар, табиблар, социаль хезмәткәрләр, бүгенге көндә сәламәтлекләренә һәм тормышларына аеруча куркыныч яный торган кешеләр язылган», — дип хәбәр иткән ул.

Чыганак : https://tatar-inform.tatar/news/health/04-12-2020/sobyanin-m-sk-d-covid-19-infektsiyasenn-n-vaktsinatsiya-bashlanu-turynda-ig-lan-itte-5790339