Район эчке эшләр бүлегенең ЮХИДИ бүлекчәсеннән алынган мәгълүматлар буенча, 15 марттан 21 мартка кадәр юл хәрәкәте кагыйдәләрен бозу белән бәйле 30 очрак теркәлгән.
Шулар арасыннан, бер йөртүчегә – “обгон”га чыккан өчен, ике йөртүче баласын махсус утырткычта йөртмәү сәбәпле административ протоколлар төзелгән. Спиртлы эчемлекләр кулланып руль артына утырган ике йөртүчегә 30 мең сумга кадәр штраф һәм ел ярымга йөртү хокукыннан мәхрүм ителү яный. Шул ук вакытта штрафын вакытында түләмәгән биш йөртүчегә исә штрафны икеләтә күләмдә түләргә яки 15 тәүлеккә кадәр арест яисә 50 сәгатькә кадәр мәҗбүри эшләр каралган. Дүрт вак юл һәлакәте теркәлгән.
Нет комментариев