Татарстан трассасында тулгагы башланган йөкле хатын баласын машинада тапкан
Казан-Малмыж юлында эшләүче ЮХИДИ инспекторлары авырлы хатынга ярдәм иткән.
Татарстан трассасында эштә булган ЮХИДИ инспекторлары йөкле хатынга бала табарга булышкан. Сау-сәламәт кыз бала машина салонында туа.
Татарстан буенча ЮХИДИ хезмәткәрләре Казан-Малмыж юлының 19 километрында тора. Шул чакта полиция лейтенанты Айдар Нигъмәтҗанов һәм полициянең өлкән лейтенанты Роман Әсхәдуллин янына бер машина килеп туктый. Автомобильдән бик борчылган ир-ат чыга. Ул инспекторлардан ярдәм сорый. Машинада йөкле хатын-кыз булуын әйтә. бу хатын машина йөртүченең сеңлесе була. Аның тулгагы башланган.
Полиция хезмәткәрләре йөкле хатынны якындагы хастаханәгә озата китәләр. Ләкин хатын юлда бала таба башлый. Автоинспекторларга машина салонында бала таптырырга туры килә.
ЮХИДИ хезмәткәрләренең дөрес гамәлләре нәтиҗәсендә сау-сәламәт кыз бала дөньяга килә. Аннары нарасый белән аның анасын ашыгыч ярдәм табибларына тапшыралар.
Следите за самым важным и интересным в Telegram-каналеТатмедиа
Нет комментариев