Әтнә таңы

Татарстанлыларга коронавирусны нигә антибиотиклар белән дәваларга ярамавын аңлаттылар

Антибиотиклар белән дәваланганда терелә алмыйсың һәм авыру тагын да көчәя генә.

Яңа коронавирус инфекциясе – ул вирус, әмма Татарстанда яшәүчеләр аны антибиотиклар белән дәваларга тырыша һәм бик нык ялгыша. Казан дәүләт медицина университетының госпиталь педиатрия кафедрасы доценты, Республика балалар клиник хастаханәсенең табиб-клиник фармакологы Раушан Мәмлиев «Татар-информ» агентлыгына биргән интервьюсында мондый терапиянең куркыныч булуы турында сөйләде.

«Ниндидер инфекцияне дәвалаганда без һәрвакытта да әлеге инфекциягә каршы нәтиҗәле булган дарулар билгелибез һәм биредә вируслы инфекциягә (Covid-19 – нәкъ шундый инфекция) бернинди антибиотик та йогынты ясамавын танырга кирәк», - дип искәртте ул.

Реклама

Табиб аңлатканча, антибиотиклар вирусны түгел, ә бактерияне үтерә. Нәтиҗәдә, яңа коронавирус инфекциясенә каршы үзлегеннән антибиотиклар кабул итүче татарстанлылар мондый дәвалануның бернинди нәтиҗәсен тоймый.

Моннан тыш, антибиотиклар белән дәваланганда терелә алмыйсың һәм авыру тагын да көчәя генә.

Хәбәрләр: https://tatar-inform.tatar/news/health/04-12-2020/tatarstanlylarga-koronavirusny-nig-antibiotiklar-bel-n-d-valarga-yaramavyn-a-lattylar-5790235

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: