Әтнә таңы

Уттан саклану гарантиясе

Рөстәм Сафин, Арча һәм Әтнә районнары буенча янгын күзәтчелеге бүлеге начальнигы

Янгыннарда кешеләрнең үлемен кисәтүгә һәм халык арасында янгын куркынычсызлыгы чараларын пропагандалауга карамастан, 2020 елда Әтнә районында 20 янгын чыккан.
Ут дистәләгән торак йортны һәм ишегалды корылмаларын тулысынча юкка чыгарды. 2020 елда Әтнә районында янгыннарда 2 кеше фаҗигале төстә һәлак булды. Болар барысы да безне янгын куркынычсызлыгы таләпләрен һәм тирә-юньдәгеләрдән бу таләпләрне үтәү турында уйланырга мәҗбүр итә.
Янгыннарның төп сә­бәп­ләре: ут белән саксыз эш итү, электр җиһазларын һәм көн­кү­реш электр прибор­ла­рын  куллану ка­гый­дәләрен, шулай ук ягу­лык мичен урнаштыру һәм эксплуатацияләү ка­гыйдәләрен бозу.
Янгын кур­кы­ныч­сызлы­гы ка­гый­дәләрен үтәмәү һәм янгын вакытында дөрес гамәлләр кылмау милекне юк итүгә, ә иң аянычы кешеләрнең һәлак булуына китерә. Төзексез мичләр, җы­лылык котелларыннан һәм төтен чыгу торбаларыннан файдаланмагыз. Алкогольне артык күп кулланмагыз. Үз йортларыгызда һәм ишегалды корылмалары янында тә­мәке тартмагыз. Вакытында иске (тузган) электр чыбыкларын алмаштырыгыз,  бу эшне бары тик профессионалларга гына ышанып тапшырыгыз. Электр челтәрләренә артык көчәнеш ясамагыз. Бер очракта да төтенләгән, янган йортларга кермәгез.
Янгын күзәтчелеге булеге сезгә үз йортларыгызда һәм ишегалды корылмаларыгызда янгын хәбәрчеләре (пожарный извещатель)  урнаштырырга, йортта 4 литрдан да ким булмаган күләмдә ут сүндергеч булдырырга киңәш итә.
Исегездә тотыгыз, сезнең йортыгызның иминлеге һәм сезнең тормыш куркынычсызлыгы сезнең үзегезгә генә бәйле! Янгын куркынычсызлыгы таләпләрен төгәл үтәү – сезнең тормышыгыз һәм торагызның уттан саклануына гарантия.
Белешмә
Янгын вакытында 01, 101, 112 номерларына шалтыратыгыз.

Реклама

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: