Яшел Үзәндә күлдә ир-ат батып үлгән

«Татар-информ»га ТР буенча Россия Гадәттән тыш хәлләр министрлыгы Баш идарәсе матбугат хезмәтендә хәбәр итүләренчә, бүген 13.48 сәгатьтә шаһитлардан Яшел Үзәндә Гарин күлендә ир-ат батуы турында хәбәр килгән.

Чакыру буенча барган 2нче зона-коткару отряды водолазлары 33 яшьлек ир-ат мәетен алты метр тирәнлектә ярдан 15 метр ераклыкта табып алган. Мәетне ярга чыгарып,  хокук сакчыларына тапшыралар.Шунысын да билгеләп үтәргә кирәк, ир-ат һәлак булган урын коену өчен җайланмаган.

Чыганак: https://tatar-inform.tatar/news/incident/12-07-2021/yashel-z-nd-k-ld-ir-at-batyp-lg-n-5830047