Казан федераль университетында әзерлекнең кайбер юнәлешләре буенча дәүләт имтиханын гамәлдән чыгарачаклар. Бу хакта «Татар-информ»га КФУ матбугат хезмәтендә хәбәр иттеләр.

«Бу мәсьәлә буенча бездә билгеле бер карар кабул ителде. Әмма дәүләт имтиханы әзерлекнең барлык юнәлешләрендә дә гамәлдән чыгарылмаячак. Бу хакта без иртәгә турыдан-туры элемтә вакытында хәбәр итәргә планлаштырабыз. Анда барысын да җентекләп сөйләячәкбез - кайда гамәлдән чыгарылганлыгын, кайда һәм ни өчен калганлыгын аңлатачакбыз», -диделәр югары уку йортының матбугат хезмәтендә.

Моңа кадәр туры элемтәдә КФУ ректоры Илшат Гафуров Казан университетын тәмамлаучылар дәүләт имтиханын дистанцион режимда тапшырачак, дип белдергән иде.

Чыганак: https://tatar-inform.tatar/news/science/21-05-2020/kfuda-kayber-zerlek-yun-leshl-re-buencha-d-l-t-imtihannaryn-beter-ch-kl-r-5744375

Фоточыганак: архив/Владимир Васильев