Әтнә таңы

1 августтан халыкара авиаочышлар яңадан башлана

Әлегә башка илләргә авиарейслар Мәскәү, Санкт-Петербург һәм Ростов-Дон аэропортларыннан гына ясалачак.

(Казан, 24 июль, «Татар-информ»). Россия 1 августтан халыкара авиаочышларны яңадан башлый. РФ Премьер-министры Михаил Мишустин ил Хөкүмәте утырышында шулай дип белдерде. Бу хакта ТАСС агентлыгы хәбәр итә.

«Халыкара очышларны яңадан башлау турында карар кабул ителде. Шул ук вакытта, эпидемиологик вәзгыятьне, коронавирус белән авыручылар санын, башка шартларны да исәпкә алачакбыз», — дип искәртте Премьер.

Кайбер илләр белән авиаэлемтәне торгызу аларның россиялеләрне кабул итәргә ни дәрәҗәдә әзер булуына да бәйле.

Реклама

Шул ук вакытта, Мишустин сүзләренчә, әлегә башка илләргә авиарейслар Мәскәү, Санкт-Петербург һәм Ростов-Дон аэропортларыннан гына ясалачак. Элегрәк бу исемлектә Екатеринбург, Новосибирск һәм Владивосток шәһәрләре дә бар иде.

Казан әлеге исемлектә юк. Шул ук вакытта, «Татар-информ» агентлыгы хәбәр иткәнчә, Татарстанның ике аэропорты да халыкара рейсларны яңадан башларга әзер.

Чыганак: https://tatar-inform.tatar/news/society/24-07-2020/rossiya-1-avgusttan-halykara-aviaochyshlarny-ya-adan-bashlyy-5758991

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: