Мәшгульлек үзәгендә теркәлер өчен көн саен 2-3 кешедән гариза керә

Һаман шул коронавирус аркасында инде, былтыргыдан, кая ул, хәтта алдагы айлардан да күбрәк бу. Шулай да аларны төрле эшләргә урнаштырып баралар. Июнь аеннан укыта да башлыйлар. 

"Демография" милли проекты буенча 25 майдан башлап 50 яшьтән өлкәннәрне дә укыта башлыйлар, моның өчен Федераль уку программалары бар. Шул ук вакытта 3 яшькә кадәрге бала белән өойдә утыручы әниләрнең дә укулары дәвам итә. Аларның тегүче, чәчтараш кебек һөнәрләргә өйрәнүләре турында язган идек инде.

Балалар да читтә калмый. Җәйге каникуллар вакытында 14-18 яшьлек балалар да вакытлыча эшкә урнаша алалар -  моның да программалары бар.