Россиядә өч яшьтән алып җиде яшькә кадәрге балаларга пособие алу җиңеләйде

(Казан, 2 август, «Татар-информ»). Россиядә өч яшьтән җиде яшькә кадәрге балаларга пособие рәсмиләштерүне гадиләштерделәр. Бу турыда хөкүмәт матбугат хезмәтенә сылтама белән РИА Новости хәбәр итә.

Тиешле боерыкка премьер-министр Михаил Мишустин имза куйды. 1 ноябрьдән пособие алу җиңелрәк булачак.

«Хәзер түләүләрне рәсмиләштерү өчен гражданнарга алиментлар турында белешмәләр булган документларны бирергә туры килмәячәк», — диелә хәбәрдә.

Бу мәгълүматны дәүләт органнары ведомствоара электрон хезмәттәшлек системасы аша үзләре алачак.

1 июньнән өчтән җиде яшькә кадәрге балаларга ай саен бирелә торган пособиеләр түбән керемле гаиләләргә түлиләр. Аларның уртача кереме төбәктәге яшәү минимумыннан азрак булырга тиеш.

Чыганак: https://tatar-inform.tatar/news/society/02-08-2020/rossiyad-ch-yasht-n-alyp-ide-yashk-kad-rge-balalarga-posobie-alu-i-el-yde-5760767