Әтнә таңы

Россиядә сәгатьлек минималь хезмәт хакы түләү кертергә тәкъдим иттеләр

Сәгатьлек минималь хезмәт хакы кертүне Россия Министрлар кабинеты тәкъдим иткән.

Россиядә «бер сәгатьлек ставканың минималь күләме» дигән төшенчә кертергә тәкъдим иттеләр. Бу хезмәт хакы сәгатьләп түләнә торган эшчеләргә кагылырга мөмкин. Бу хакта «Известия» яза.

Бу тәкъдим 2021-2023 еллар аралыгында Гомумроссия профсоюзлар берләшмәсе, эш бирүчеләр һәм Россия Хөкүмәте арасындагы генераль килешү проекты исемлегенә кертелгән.

Сәгатьлек минималь хезмәт хакы кертүне Россия Министрлар кабинеты тәкъдим иткән. Мондый чаралар күп кенә илләрдә гамәлдә. Мәсәлән, узган елда Германиядә ул - 8,5, Болгариядә - 6, Румыниядә — 7,7, Венгрия һәм Латвиядә 9,9 евро чамасы булган.

Реклама

Кайбер белгечләр фикеренчә, бу яңалыкны кертү хезмәт хакын исәпләүне катлауландырырга мөмкин. Чөнки билгеле бер төбәк, ай өчен минималь хезмәт хакының оптималь күләмен исәпләргә, эшләнгән сәгатьләрне ничек санарга икәнен аңларга кирәк.

Шулай ук, «яңалык эш бирүчеләрне минималь хезмәт хакыннан азрак акча түләү мөмкинлегеннән мәхрүм итмәячәк», — дип саный белгечләр.

Чыганак: https://tatar-inform.tatar/news/business/15-09-2020/rossiyad-s-gatlek-minimal-hezm-t-haky-t-l-kerterg-t-k-dim-ittel-r-5771545

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: