Татарстан илкүләм проектлар контекстында телгә алыну буенча медиарейтинг лидеры булды

Татарстан Республикасы Россия Федерациясе Президентының «2024 елга кадәрге чорга Россия Федерациясе үсешенең милли максатлары һәм стратегик бурычлары турында»гы Указы нигезендә Россия регионнарының телгә алынуы  турындагы медиарейтингны җитәкли. Рейтингны «Медиалогия» компаниясе әзерләде. Медиарейтинг лидерлары өчлегенә шулай ук Краснодар крае һәм Түбән Новгород өлкәсе дә керде.

Массакүләм мәгълүмат чаралары хәбәр итүенчә, Татарстанда 2020 елда «Куркынычсыз һәм сыйфатлы автомобиль юллары»милли проекты кысаларында 44 юл объектын ремонтлау планлаштырыла. Милли проектны тормышка ашыру өчен 4,5 млрд. сумнан артык акча бүлеп бирелгән.

Шулай ук Түбән Каманың ике яңа микрорайонында «Демография»милли проектын тормышка ашыру кысаларында 260 урынга исәпләнгән ике балалар бакчасы төзелеше башланды.

Моннан тыш, массакүләм мәгълүмат чаралары хәбәр иткәнчә, 2019 елда республикада милли проектларны гамәлгә ашырганда конкурс процедураларын уздыру 234 млн сумга якын акчаны янга калдырырга мөмкинлек биргән.