Җәмгыять
Әтнә юллары - кагыйдәләр үтәлми
Эчке эшләр бүлегенең ЮХИДИ бүлекчәсеннән алынган мәгълүматлар буенча, узган атна барышында район юлларында барлыгы 29 юл хәрәкәте кагыйдәсен бозу очрагы теркәлгән.
Ике йөртүче – баласын махсус утыргычсыз йөрткән,алтысының – номеры пычрак, берсе – җәяүлегә юл бирмәгән, өч йөртүче юл билгесенә машинасын дөрес куймаган, ике йөртүче штрафын вакытында түләмәгән өчен административ җаваплылыкка тартылган. Бер җәяүле киемендә яктылык кайтаргыч булмау сәбапле штраф түләячәк. Ике йөртүче руль артына спиртлы эчемлекләр кулланып утырган, аларга 30 мең сум штраф һәм ел ярымга йөртү хокукыннан мәхрүм ителү яный. Өч вак юл һәлакәте теркәлгән.
Следите за самым важным и интересным в Telegram-каналеТатмедиа
Нет комментариев