ТР Президенты: яңа парклар һәм социаль объектлар татарстанлылар өчен ТАССРның 100 еллыгына бүләк булачак

ТАССРның 100 еллыгына Татарстанда яңа социаль әһәмияткә ия мәдәният һәм спорт объектлары, парклар һәм скверлар ачылачак.

Алар республика халкы өчен менә дигән бүләк булачак. Бу хакта бүген ТР Президенты Рөстәм Миңнеханов ТАССР төзелүнең 100 еллыгын бәйрәм итүгә әзерлек һәм аны уздыру буенча Оештыру комитеты утырышында белдерде. "ТАССРның 100 еллыгы-республикабыз һәм аның күпмилләтле халкы өчен әһәмиятле чор. Бу тарихи кисешүдән 70 ел элек республика РСФСР составында автономия формасында булган. Бу еллар үз эченә күп нәрсә туплады, икътисад үсешендә зур ыргылыш ясалды. Кыска вакыт эчендә тулы бер сәнәгать тармагы булдырылды, Авыл хуҗалыгы җитештерүенең тотрыклы үсеше тәэмин ителде. Җәмгыятьнең социаль структурасында һәм милли мәдәнияттә әһәмиятле үзгәрешләр булды. Күпмилләтле республикада яшәүчеләрнең аерым ментальлеге формалаша башлады», - диде ул.

Автоном республика татар дәүләтчелеген үстерүнең бер формасына әверелде. Аның шартларында куәтле потенциал булдырылды, ул яңа Россия шартларында Татарстан уңышының нигезе булды. Юбилейга әзерлек республикада 2015 елда ук башланды. Республика һәм муниципаль дәрәҗәдә ТАССРның 100 еллыгын бәйрәм итүгә әзерлек планы гамәлгә ашырыла. Бу эшне республика оештыру комитеты координацияли. Әзерлек барышында мөһим чаралар планы төзелде. «Бу план халыкара һәм федераль проектларны үз эченә ала. Билгеләнгән зур халыкара чаралар арасында – бәйсез дәүләтләр бердәмлеге илләре уеннары, “Россия – Ислам дөньясы“ халыкара икътисадый саммиты, ЮНЕСКО эгидасы астында “мәдәниятләр күптөрлелеге – гуманитар иминлек факторы“ халыкара форумы һәм башкалар», – диде Татарстан Республикасы Президенты.

Рөстәм Миңнеханов билгеләп үткәнчә, әһәмиятле объектлар, шул исәптән «Казан Экспо»күргәзмә үзәгенең күп функцияле бинасы да төзелгән. Моннан тыш, юбилей елында Татарстан Республикасы Милли китапханәсе яңа бина алачак, «Созвездие-Йолдызлык»театры урнашачак Алафузов театры бинасын ремонтлау тәмамланачак. «Социаль әһәмиятле мәдәният һәм спорт өлкәсе объектларын, паркларны һәм скверларны ачу каралган. Болар барысы да республика халкына лаеклы бүләк булачак. ТАССРның 100 еллыгы Татарстан халкы өчен Татарстанның киләчәк үсеше өчен горурлык һәм стимул булып тора», – дип йомгак ясады Рөстәм Миңнеханов. Киңәшмә Казанда Россия вице-премьеры Виталий Мутко рәислегендә узды.

 https://www.tatar-inform.ru/news/2019/08/16/659725/