Әтнә таңы

ТР Үзәк сайлау комиссиясе рәисе Мидхәт Шаһиәхмәтов сәяси партияләр белән ТР Дәүләт Советына депутатлар сайлауга әзерлек турында фикер алышты

Җомга көнне, 24 майда, Татарстан Республикасы Үзәк сайлау комиссиясендә сәяси партияләрнең төбәк бүлекләре җитәкчеләре ТР Дәүләт Советына депутатлар сайлауга әзерлек мәсьәләләре буенча фикер алышу өчен җыйналды.

Бүгенге көнгә республика территориясендә барлыгы 53 төбәк бүлеге теркәлгән һәм аларның барысы да сайлауларда катнашырга хокуклы.

Очрашуда 18 вәкил катнашты. Киңәшмәне Татарстан Республикасы Үзәк сайлау комиссиясе рәисе Мидхәт Шаһиәхмәтов ачты. Ул сайлауларны оештыручыларның сәяси партияләр белән гражданнарның электораль активлыгын, сайлау процессының ачыклыгын һәм үтемлелеген тәэмин итү өлешендә ачык хезмәттәшлек итәргә кирәклеген ассызыклады.

«Без барыбыз да-сайлау комиссияләре дә, партияләр дә сайлау процессында катнашучылар булып торабыз. Һәм без барыбыз да сайлау процессы камилрәк, ә сайлауларны үткәрү сыйфаты, дәрәҗәгә карамастан, югары булу белән кызыксынабыз. Шуңа күрә ике якны да борчыган мәсьәләләр, сайлау законнары нормалары, тавыш бирү процедуралары турында җитди, конструктив фикер алышырга мөмкин булган мондый очрашулар безнең уртак эшкә-гражданнарның сайлау хокукларын тәэмин итүгә һәм тормышка ашыруга өлеш кертәләр.

Реклама

30 майдан 9 июньгә кадәр ТР Дәүләт Советы сайлаулар билгеләү турында Карар кабул итәргә тиеш һәм рәсми басмадан соң сайлау кампаниясенә старт бирелә", - дип билгеләп үтте Үзәк сайлау комиссиясе рәисе Мидхәт Шаһиәхмәтов.

Закон буенча сайлауларны 30 майдан 9 июньгә кадәр билгеләү көтелә. Карар басылып чыкканнан бирле сайлау кампаниясе старт ала. Дәүләт Советы депутатларын сайлауда 100 мандат алмаштырылырга тиеш. Сайлаулар катнаш система буенча узачак: 50 депутат Бердәм сайлау округы буенча сайлана, мандатлар кандидатларның партия исемлекләре арасында бүленә, 50 депутат бер мандатлы сайлау округлары буенча сайлана.

Очрашу барышында алтынчы чакырылыш Татарстан Республикасы Дәүләт Советына депутатлар сайлауга әзерлек, шул исәптән сайлау законнарын үзгәртү, кандидатлар һәм сәяси партияләр тарафыннан сайлауларда катнашу өчен документлар әзерләү өчен программа тәэмин ителешен куллану мәсьәләләре тикшерелде. Алдагы сайлауларда беренче тапкыр кулланылачак мөһим яңалыкларның берсе-30 көнлек срок билгеләү. Шулай ук республикада барлык дәрәҗәдәге сайлауларны уздырганда сайлау фондларын тотуның чик күләме арттырылган, законда сайлау комиссияләре тарафыннан сайлаучылар исемлекләрен төзү сроклары билгеләнгән – ул тавыш бирү көненә кадәр 11 көннән дә соңга калмаска тиеш. Моннан тыш, зур мәгълүмат блогы сайлау комиссияләре әгъзаларын сайлауга профессиональ әзерлек, Татарстан Республикасында «мобиль сайлаучы» механизмын гамәлгә ашыру, шулай ук сайлаучыларның тавышларын яклау мәсьәләләренә багышланган иде

Фото Татар-информ мәгълүмат агентлыгыннан алынды

Нравится
Поделиться:
Реклама
Комментарии (0)
Осталось символов: