Гөланвар әби 90 яшен каршылый

Олугъ юбилее белән Күәм авыл җирлеге башлыгы Реваль Гатауллин котлады аны. Алай гына да түгел, телефон аша ихлас теләкләрен район башкарма комитет җитәкчесе Айрат Каюмов та җиткерде.

Күпне күргән, күпне кичергән ул. Гаиләдә 4 баланың берсе булып үскән, үзе дә 4 бала тәрбияләп үстерә. Җәмәгатен - сугыш ветеранын сагынып искә ала. Шунда ук әти-әнисе турында да сөйләп узды. Болары турында аерым китап язарлык, валлаһи.

Россия Президенты һәм район башлыгы котлауларын игътибар белән тыңлап, берара уйга калды. Ә аннан соң, район башлыгына үзенең ихлас рәхмәтләрен җиткереп, сәлам әйтергә кушты.

Кыскасы, 90 яшьлеген куанып, саулык-сәламәтлеккә тиенеп каршы ала ул.