Күәмдә агачны законлы да, законсыз да кисәләр

Авылның Иске авылдан урта мәктәпкә илтүче дамба кырыенда бихисап күп агач-куаклар үскән иде. Шөкер, аларны кисеп юк итә башлаганнар биредә. Тик шундый кыенлык туар: бер-ике елдан ук кискән һәр төп урынына 5-6 төп калкып чыгар мөгаен. Ә гомумән алсак, игелекле эш. Юл буйлары ачык булырга тиеш, биредән узучы электр чыбыклары янәшәсендә дә агач ботаклары булмау хәер. кыскасы, моны ике-өч ел саен кабатлап торырга кирәк булыр, мөгаен. Әлегә шуннан да кулайрак ысулны уйлап табучы юк.

Ә менә шуннан ерак та түгел - агачларны законсыз кисүчеләрне дә, дөресрәге эш нәтиҗәләрен күрдек. Суда һәм су ярында үскән агачларны шулкадәр "аккуратно" кискәннәр, тешләре гаять үткен шул ул су кондызларының (боберларның). Ферма буендагы күлдәвек буен агач-куаклардан чистартырга тотынганнар алар.