Тагын биш кеше коронавирустан үлгән

Татарстанда тагын биш кеше яңа төрдәге Covid-19 коронавирус инфекциясе корбаны булган.

ТР Сәламәтлек саклау министрлыгының матбугат хезмәте хәбәр иткәнчә, бүген тагын биш кешенең коронавирустан үлүе билгеле булды. Алар – 1938, 1944, 1948 һәм 1953 елгы ир-атлар, шулай ук 1958 елгы хатын-кыз.

«Үлемнең сәбәбе патологоанатомик экспертиза үткәрү нәтиҗәсендә ачыкланган», - диелә матбугат хезмәте хәбәрендә.

«Татар-информ» агентлыгы узган тәүлектә Татарстанда коронавирус инфекциясе йоктыруның 84 яңа очрагы ачыклануы хакында хәбәр иткән иде. 

Чыганак: https://tatar-inform.tatar/news/incident/30-01-2021/tatarstanda-tagyn-bish-keshe-koronavirustan-lg-n-5802792