Питрәч муниципаль районында М7 - Колай юлы вакытлыча ябыла

Татарстанда М7 автоюлы буенча Колай — Питрәч автомобиль юлы буйлап хәрәкәтне вакытлыча яптылар. Бу турыда Татарстан Транспорт һәм юл хуҗалыгы министрлыгы матбугат хезмәте хәбәр итә.

Ведомствода ачыклык керткәнчә, республиканың Питрәч районында автомобиль юлы буенча хәрәкәт 15 августка кадәр ябылган. «Бу чорда 1,6 километрдан 2,1 километрга кадәр участокны реконструкцияләү планлаштырыла», диелә хәбәрдә.

Машина йөртүчеләр М7 трассасын, шулай ук Казан — Шәмәрдән, Иске Шигале — Питрәч, М7 — Колай — Питрәч юллары буенча урап уза алачак.

Чыганак: https://tatar-inform.tatar/news/society/03-07-2020/pitr-ch-munitsipal-rayonynda-m7-kolay-yulyn-vakytlycha-yaptylar-5754053