Чембулат авыл зиратында өмә булды
Зират – ул тарих, ул хәтер, һәм аны саклау – һәрберебезнең изге бурычы.
Чембулат авыл зиратында өмә булды. Авыл халкы түнгән, сынган агачларны, кипкән яфракларны жыештырдылар.
Зират – ул мәңгелек йорт, шуңа күрә анда һәрвакыт чиста, пөхтә булырга тиеш. Өлкәннәр яшьләргә зиратны ничек карап тотарга кирәклеген өйрәтте, бу эшнең әһәмиятен аңлатты.
Мондый өмәләр һәр авылда уздырыла, бу – матур бер традиция.
Бу хезмәт өмәсе, бары тик зиратны чистарту гына түгел, ә җаннарны да берләштерүче, йолаларны, гореф-гадәтләрне саклаучы изге эш. Алдагы буыннарны хөрмәтләү, аларның рухына ихтирам белдерү – менә нәрсә берләштерде җыелган кешеләрне. Өмә ахырында, барлык катнашучылар да канәгать булып, зиратның яңа, чиста кыяфәтенә сөенеп таралыштылар.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев