Инвалидлар декадасына якынлашабыз. Нәтиҗәләр ничек булыр? Аларга карата ниндидер аерым мөнәсәбәт инде хәзер үк сизеләме?
Бу хакта район халкыннан, дөресрәге, очраган райондашлардан сораштык.
- Әлегә ниндидер үзгәлек, өстенлек сизмәдем. Булыр дип уйламыйм да, - диде исемен атарга теләмәгән райондашыбыз.
- Мин үзем мөмкинлеге чиклеләр категориясенә кермим. Гадәттә, ул көнне вакыты җиткәч билгелиләр. Быел да булыр дип уйлыйм. Ни генә димәсеннәр, бездә инвалидларга аерым мөнәсәбәт, - диде Рәдиф исемле райондашыбыз.
- Ә минемчә, мөмкинлеге чиклеләргә уңай мөнәсәбәт күз алдында. Оешмаларның кайсына гына булмасын - коляскалымы ул, яки хәрәкәт итүе кыен инвалидмы - бернинди каршылыксыз барып керә ала. Шулай да, алар өчен аерым бәдрәф, оешмага керүгә каршы алып, озатып йөрүне булдырсалар, әйбәт булыр иде, - дигән фикер дә яңгырады.
Нет комментариев