Ришвәтчелек очрагы ачыкланды

Башта сәламәтлек систе­масында мөмкин булган ришвәтчелек чагылышын ачыклап узыйк әле

– Сәламәтлек өлкәсендәге коррупция – социаль-хокукый яктан тискәре, гомумән, җәм­гыять өчен куркыныч күре­неш ул. Әлбәттә, бу про­цесста катнашучы үз хезмәт урыныннан явызларча фай­да­­ланып, ниндидер өс­тен­лекләрне башка берәүгә за­консыз рәвештә бирә. Шуның белән ул сәламәтлекне саклау өлкәсендә җәмгыять һәм дәүләт мән­фәгатьләренә зыян сала.
– Әйтегез әле, район сәла­мәтлек саклау өлкәсендә тормыш-көнкүреш риш­вәт­че­леге ни дәрәҗәдә? Кайвакыт па­циентлар меди­цина хезмәте күр­сәтүнең сыйфатына һәм аз булуына зарланалар.Бу уңай­дан нинди чаралар кү­ре­лә?
– Тормыш-көнкүреш риш­вәт­челеге, башлыча, гади граж­данин һәм чиновник ара­­сындагы үзара бәйләнеш нә­тиҗәсендә туа. Медицина ярдәме сыйфаты – аны күр­сәтүнең үз вакытында баш­ка­рылуы, профилактика ча­ра­ларының, дәвалауның һәм ки­рәк булса реабилитациянең дө­реслеге, күзаллаган нәтиҗәгә ире­шүнең дәрәҗәсе ише ха­рак­теристикалар җыелмасы ул. Бездә алар барысы да Законда күрсәтелгәнчә, тиешенчә башкарыла.
– Түләүле медицина хез­мәтләре, еш кына, төрле аңла­шылмаучыклар китереп чы­гара. Пациентлар кай очрак­та түләргә, ә кайчан юк икәнен төгәл белмиләр. Бу хакта ни әйтерсез?
– Түләүле медицина хез­мә­те тулы күләмдә Россия Фе­де­ра­циясе Сәламәтлек саклау ми­­нистрлыгы раслаган стан­дарт­лар буенча күрсәтелә. Ае­рым медицина хезмәтләрен па­ци­ентлар арасында тиз арада алырга теләүчеләр булырга мөм­­кин. Шулай ук кайбер төр ме­дицина хезмәтенең бездә күр­­сәтелмәве дә бар. Үза­ра ки­ле­шү нигезендә аны ква­ли­фи­ка­­цияле табиблардан тор­ган, мөм­­кинлеге булган оеш­малар баш­­кара. Шул нигездә па­циент үзе сайлап ала.
– Агымдагы елда район үзәк боль­ницасында ришвәт бирү оч­раклары теркәлмәдеме?
– Шөкер, быел андый очрак бул­мады. Әмма узган елны бер очрак теркәлде. Дөрес, ул эш буенча хөкем карары бы­ел гына дөнья күрде. Район боль­ницасы шәфкать туташы РФ Җинаятьләр кодексының 291 маддәсе буенча гаепле дип та­былды.
– Киләчәктә мондый күңел­сез очраклар булмас, район үзәк больницасы риш­вәтчелек белән көрәшнең алдынгы сафларында булыр дигән теләктә калыйк. Әңгәмәгез өчен зур рәхмәт.