Тәмле чыршылар

1) тарталеткалар,
2) ысланган тавык ите,
3) виноград,
4) йомырка,
5) сыр,
6) майонез,
7) бизәү өчен укроп, гранат орлыгы, пешкән кишер.

Эшләү тәртибе:
Итне, виноградны шакмаклап турарга. Йомырка һәм сырны вак угычтан уарга. Майонез салып барысын бергә әйбәтләп болгатырга. Тарталеткалар эченә салатларны салырга һәм өстенә укроп сибергә. Гранат орлыгы һәм кишердән йолдызлар ясап бизәп куярга. Шуның белән әзер дә була.
Зурырак тарталеткаларга да ясарга мөмкин һәм бизәвен үзегезчә бизәргә мөмкин, кем ничек тели.

Автор Гульгена Сабитова