Әтнәләр, юлларда сак булыгыз

Көтә торгач, килде ул - карлы-бозлы, көчле җилле һава торышы. Төп авырлык - автомобильчеләр җилкәсенә төште. Авыллар эчендә ярый әле, ни дисәң дә ташлы юл ул дәрәҗәдә куркыныч түгел. Ә менә ике авыл арасындагы асфальт юлдан бару гаять зур саклык таләп итә. Әйтик, бүген Күәмнән Әтнәгә тулы бер автомобильләр колоннасы килде. Алда барган "Газель"нең арты уңга-сулга уйнап барды. Ә менә Олы Әтнәнең Җиһаншин урамында бер машина "отбойник"ның теге ягына чыгып, кырын яткан.

Юл өслеге тоташ боз белән капланды. Мондый очракта "тормоз" белән бик уйнамаска кирәк, диләр тәҗрибәле автомобильчеләр. Бары "скорость"ны тиз-тиз күчерү отышлы. Ә иң мөһиме - юлда бернинди чабу, хәтта кызу барулар булмасын иде. Әнә шул колонна булып тезелеп бару күпкә яхшырак.