Бу ялларда Фазлыевлар табигатькә хозурланып, күкрәк тутырып чын саф һава сулап, Җир-Ананың киң нигьмәтләрен җыеп, ял итеп кайткан. "Сәламәтлекне ныгытырга кирәк! Алдан зур эшләр көтә! Ярдәмеңнән ташлама, Ходаем!", дип язып куйган Алсу үзенең социаль челтәрәге шәхси битендә.
Алсу белән Азат нарат күркәсе җыйган, максатлары күркәләрдән телеңне йотарлык кайнатма әзерләү. Бик тәмле, диләр Фазлыевлар. Һәм балтачлыларга да сер итеп кенә әлеге кайнатманың рецептын бирделәр.
Бу гади генә кайнатма түгел, ә полиартрит, бронхит, ангина, астма, грипптан һәм башка күп чирләрдән дәва булып тора, ди Алсу.
Күркәләрне иртә җәйдә, ачылганчы җыярга кирәк. 1 килограмм күркәгә алдан ширбәт ясыйбыз. 2 стакан суга 1,5 килограмм шикәр комы салып, сүрән утта кайнатабыз, куерып, үтә-күренмәлегә әйләнгәч туктатабыз. Юып, суын саркытып әзерләнгән күркәләргә ширбәтне салып, өстен каплап 4 сәгать тотабыз. Аннан соң кабат утка куеп кайнатып чыгарабыз, ләкин кайнатмыйбыз. Шул рәвешле 3 тапкыр кабатлыйбыз. Ахыргысында 45 минут кайнатабыз, бераз суынгач, банкаларга тутырып куябыз.
Шунысын да онытмаска кирәк, кайнатма бик файдалы булса да, бөерләре авырткан кешеләргә, авырлы, имезүче хатын-кызларга, 60 яшьтән өлкәнрәкләргә саклык белән генә кулланырга киңәш ителә. Сәламәт кешегә дә көнгә 2-3 аш кашыгыннан да артык кулланырга ярамый.
Нет комментариев