Җавапка тартылганнар

Апрель аенда 183 кешегә паспорт бирелгән, шуның 36сы - 14 яше тулучылар. 125 кеше пропискага кергән, 27 кеше вакытлыча, 124 кеше төшкән, шуларның 33е - вафат булучылар. Чит илдән Әтнә районына 65 чит ил гражданины кайтып, вакытлыча миграция хезмәтенә учетка басканнар. Бүгенге көндә 44 чит ил гражданины вакытлыча яшәү документы, 77се "вид на жительство" белән яши. Апрель аенда Россиядә яшәү кагыйдәләрен бозганнары өчен 26 чит ил гражданины, ә паспорт һәм регистрация кагыйдәләрен бозганнары өчен 24 россиялегә протоколлар төзелгән. Штрафның гомумми күләме - 114 мең 200 сум.