Экология Әтнә студентларын да борчый

Әтнә авыл хуҗалыгы техникумы базасында аграр профильдәге уку йортларында белем алучы студентларның "Авыл хуҗалыгының экологик проблемалары" темасына республика фәнни-гамәли конференциясе үтте.

Әлеге конференция Та­тарстан "Директорлар Со­­веты" коммерцияле бул­­маган партнерлыгы, фән һәм мәгариф, авыл ху­­җалыгы һәм азык-төлек ми­­нистрлыклары, Әтнә авыл хуҗалыгы техникумы тарафыннан оеш­тырыл­ды. Анда Алексеевс­кий районының аграр көл­лияте, Әл­мәт политехника, Бөгелмә машина төзелеш, Буа ве­теринар, Казан сәү­дә-икътисад, Казан политехника, Тәтеш авыл ху­җалыгы, Норлат аграр, Аксубай универсаль тех­нологияләр, Спасс тар­мак технологияләре тех­­никум­нары, Кукмара аграр, Түбән Кама аг­ро­сә­нәгать һәм нефтехимия, Сарман аграр, Чис­тай күппрофильле, Арча аг­­росәнәгать һөнәри, Апас аграр, Зәй политех­ни­ка, Саба аграр көлли­ят­ләреннән өч дистәгә якын студент һәм укыту­чылар катнашты. Конференциянең максаты булып студентларда укыту һәм фәнни әдәбият белән үзлегеннән эшләү күнекмәләрен ныгыту, үзләштерелгән материалны анализлый, нәтиҗә ясый белү, язмача һәм телдән чыгышлар ясарга әзерлек, студентларда тикшеренү күнек­мә­ләре ачыклау тора. Оештыручылар "Авыл ху­җалыгында экологик проб­лемалар" темасын ачу, шулай ук яшьләрне ти­рә-якны саклау проблема­ларына тарту, фән белән кызыксынучы уку­чыларны ачык­лау һәм алар­га ярдәм итү, авыл ху­җалыгы өлкәсендә студент­ларга үзләрен күрсәтү өчен шартлар булдыру һәм уку йортлары арасында эш тәҗрибәсен уртаклашуны бурыч буларак күз уңында тоткан.
Конференция делегатлары ике секциягә бүленеп чыгыш ясадылар. Аның беренчесе авыл хуҗалыгы механизация­ләштерүнең экологик проблемалары, экология һәм экономика, агрономия һәм ветеринариянең экологик проблемалары юнәлешендә булса, икенчесе "Экология һәм кеше сәламәтлеге" темасын үз эченә алды. Әтнә авыл хуҗалыгы техникумыннан әлеге конференция­дә Рәмис Фазылҗанов һәм Айгөл Хәсәнова чыгыш ясады. Рәмиснең чыгышы "Автомобиль транспортының сулый торган һавага тәэсире" дип аталса, Айгөл исә чыгышы өчен "Экологик системада үләксә базларының әһәмияте" темасын сайлаган. Студентларның чыгышларына техникум директоры Айрат Каюмов җитәкчелегендә тәрбия эшләре буенча директор урынбасары Резеда Гарипова, методист Лилия Борһанова, техникумның экология фә­не укытучысы На­дия Ша­кирова, "Тукай" агрономы Ил­нар Василов, ветери­на­рия белгече Са­лих Ша­­һиев бәя бирде. Һәр чы­­гыш шул темага караган презентация белән ту­лыландырылды, тема буенча сораулар бирелде. Конференциядә чыгыш ясау­чылар өчен әзерләнгән эшнең яңалык булуы, материалның максатчан һәм логик төзелүе, уни­кальлеге 70 %тан да ким булмавы төп шартлар­ның берсе булып тора. Катнашу­чы­ларга мах­­сус сертификат­лар тап­­шырылды.