Күәмдә ут нокталары алыштырыла

Барлык авыл җирлекләрендә ут нокталары тәртипкә китерелә.

Күәм авылында да элек куелган ут нокталарын яңадан карап, куярга кирәкле җирләрне барлап, электрүткәргечләрен бишенче үткәргечкә тоташтыру бара. "Техник шартлары язылган документларны алдык. Күәм дә 80 ноктага лампочка куелачак, аның күбесе урнаштырылды инде, бүгенге көндә Коммуна, Һ.Такташ, З. Космодемьянская урамнарында эш бара... Авыл аша узучы олы һәм Дусымга менә торган әйләнгеч юллар яктырак булачак", - ди Күәм авыл җирлеге башлыгы Реваль Гатауллин.