Күәмдә – яңа ут нокталары

Татарстан Республикасының урамнарны яктырту программасы буенча Күәм авылының да үзәк урамнары яктыра. Авыл җирлеге башлыгы Реваль Гатауллин сүзләренә караганда, ул шушы көннәрдә гамәлгә керә. Авылда барысы яңа 50 ут ноктасы булдырылды, ут чыбыклары җир астыннан уза. Озынлыгы Күәмнең Олы Әтнә ягыннан башланып, Күлле Киме ягындагы пекарняга кадәр сузыла. Бераз Дусым ягына таба да дәвам итә. "Тиздән андагы элекке ут нокталарын башка урынга күчерү эшләрен башлыйбыз", - ди җитәкче.