Россия Бразилиядән дуңгыз һәм сыер ите кертүне тыйды

(Казан, 1 декабрь, «Татар-информ»). Россельхознадзор 1 декабрьдән Бразилиядән дуңгыз һәм сыер ите кертүне тыйды. Чикләү чаралары иттә рактопамин - мускуллар үсеше өчен биоөстәмләр табылу белән бәйле. Бу хакта, ведомство матбугат хезмәтенә сылтама ясап, «Интерфакс» агентлыгы хәбәр итә.

Бразилия Россияне ит белән тәэмин итүче илләрнең берсе, дип хәбәр итә басма. 2016 елда ул Россиягә 129 мең тонна сыер ите керткән.

Чыганак: http://tatar-inform.tatar/news/2017/12/01/153458/