Сигез сыер урлап, читкә сатканнар

(Казан, 28 ноябрь, «Татар-информ»). Актаныш районының Түбән Яхшый авылы янындагы киртәле абзардан сигез сыерны урлап алып китеп, күрше республикага сатып җибәргәннәр. Бу хакта Татарстан полициясенең матбугат хезмәте хәбәр итә.

Полицейскийлар ачыклаганча, 27 яшьлек ферма хезмәткәре һәм аның 25 яшьлек энесе көтүчеләргә сигез сыерны башка фермага караган күршедәге көтүлеккә куып алып китәргә кушкан. Шуннан соң 240 мең сумлык урланган терлекне күрше республикадагы бер эшкуарга сатып җибәргәннәр.

Караклыкта шикләнелүчеләргә карата «Урлау» маддәсе буенча җинаять эше кузгатылган, тикшерү барган вакытта икесе дә сак астына алынган.

Чыганак:http://tatar-inform.tatar/news/2017/11/28/153247/