Спортчылар турнирларга әзерләнә

Районыбызның яшь спортчылары алда торган зур турнирларга әзерләнәләр. 4 август көнне 2006-2007 елгы футболчы ир-малайлар Байлар Сабасына юл тоталар: анда республика беренчелегенең икенче әйләнеш уеннары уза. 6 август көнне шундый ук бәйге Кукмарада 2004-2005 елгы яшүсмерләр арасында үтә. 2002-2003 елгы яшүсмерләр дә 9-10 август көннәрне Чистайда Татарстан беренчелегенең зона бәйгесендә икенче әйләнеш уеннары уздыралар. Футболчылар белән тренер Минтаһир Вәлиуллин шөгыльләнә. Шахмат буенча тренер Раил Шакиров та 2000-2008 елгы шахматчылар белән Казанда узачак Татарстан беренчелегендә катнаша. Биредә 21-28 август көннәрне классик шахмат буенча көч сынашачаклар.