Ямашев проспектында автобус катнашындагы авариядән соң 13 кеше хастаханәгә озатылган

(Казан, 19 декабрь, «Татар-информ»). Казанның Ямашев һәм Ибраһимов проспектлары чатында автобус катнашындагы авариядән соң 13 кеше хастаханәгә озатылган, дип хәбәр итте «Татар-информ» агентлыгына Казанның 7нче шәһәр хастаханәсе матбугат сәркатибе.

Ул ачыклык керткәнчә, пассажир автобусы катнашындагы юл-транспорт һәлакәтендә зыян күрүчеләрнең төгәл саны әлегә билгеле түгел, чөнки кешеләрне хастаханәгә китерүне дәвам итәләр.

Моңа кадәр «Татар-информ» агентлыгы пассажир автобусының «Оргсинтез» бассейны янында баганага килеп бәрелүе хакында хәбәр иткән иде.

Чыганак: http://tatar-inform.tatar/news/2017/12/19/154621/