Казан прокуратурасы кеше үлеменә китергән авария өчен 20 яшьлек шоферны гаепле дип тапты
Бу хакта күзәтү ведомствосының матбугат хезмәте хәбәр итә.
Казан прокуратурасы кеше үлеменә китергән юл-транспорт һәлакәте өчен Hyundai Solaris автомобиленең 20 яшьлек йөртүчесен гаепле дип тапты. Бу хакта күзәтү ведомствосының матбугат хезмәте хәбәр итә.
Авария 2025 елның 12 декабрендә төнлә булган. Исерек хәлдә рульгә утырган егет «Ак Барс Арена» парковкасында юл шартларын исәпкә алмаган, тизлеген арттырган һәм идарәсен югалткан. Автомобиль, каймага бәрелеп, Казансу елгасына төшеп киткән. Hyundai автомобиленең 19 яшьлек пассажиры шунда ук һәлак булган.
Җинаять эше Казанның Яңа Савин районы судына тапшырылган.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев