Бик тәмле тозланган гөмбә рецепты

Чистартылган гөмбәләрне суга салып, пешерәбез, тозны бераз күбрәк итеп салабыз. 20-30 минут пешкәннән соң, суын саркытып, гөмбәне салкын су белән юып алып, яңадан пешерергә куябыз. Икенче тапкыр газга куйгач, 15-20 минут кайнавы да җитә.
Маринад өчен кирәкле әйберләр: 1 литр суга 8 аш кашыгы 9 процентлы аш серкәсе, 2 аш кашыгы шикәр комы, 1 аш кашыгы тоз, 2-3 лавр яфрагы, 4 шт хуш исле һәм кара борыч, 3 шт канәфер.
Маринад кайнап чыккач, шунда гөмбәне салып тагын 15 минут пешерәбез. Аны стерилизацияләнгән банкаларга салып ябып куябыз, төреп суытабыз.