7-13 ноябрь көннәрендә район юлларында

Узган атнада 11 транспорт йөртүченең куркынычсызлык каешы такмыйча йөрүе ачыкланган. Шулай ук 4 җәяүле транспорт юлын тиешле булмаган урында аркылы чыккан, ә 2 автотранспорт тиешле булмаган урында туктаган. Моннан тыш, 1 автотранспорт каршы як юлга чыккан, 5 йөртүче иминият полисы булмаган хәлдә транспорт белән идарә иткән, ә 2 йөртүченең, гомумән, документлары булмаган. Көзге пычрактан соң кисәк суытып җибәрү сәбәплеме, 10 автотранспортның номеры укырлык булмаган. Ә менә 1 автомашина юл билгесенә карамастан, тиеш булмаган җиргә кергән.