Әтнә театрының легендар артисты, Татарстанның атказанган мәдәният хезмәткәре Таһир Кадыйр улы Фәйзрахмановның 11 декабрьдә 70 яшьлек олуг юбилее.

Хөрмәтле Таһир ага! Әтнә театры – гасырлар киңлеген үз офык биеклегенә күчергән уникаль театр. Кабат­лан­мас үзен­чә­ле­ге­без­не, тарихыбызны, бүгенге һәм ки­лә­чәгебезне уйлаганда, горурланганда, без, һич­шик­сез, сезнең кебек театрга җаны-тәне белән бирелгән фи­дакарьләребезгә рәхмәт әйтәбез! Сәхнәдә ту­дырган, һәр­берсе энҗе бөртегенә тиң рольләрегез белән генә тү­гел, бәһасез киңәшләрегез, белемегез, дөньяга кара­шыгыз һәм, иң кадерлесе – йөрәк утыгыз белән Сез Әтнә театрының җанына, тере легендасына әйләндегез. Сезнең исем театрыбызның йөз аклыгы да, вөҗданы да, горурлыгы-мактанычы да! Елларны, әйдә, календарь бит­ләре санасын, ә Сез бүгенгедәй егетләрчә гаярь­лекне, яшьләрчә җитезлекне, ил агаларыдай олпатлыкны һәм затлылыкны югалтмыйча, исәнлектә озак яшәгез! Сау­лык-сә­ламәтлек, озын гомер, балалар-оныклар куанычы те­либез!
Ихлас хөрмәт белән Г.Тукай исемендәге
Әтнә татар дәүләт драма театры коллективы.