Әтнә таңы

Татарстанда кар һәм буран көтелә

Синоптиклар 1 декабрьдә иртән һәм көндез республиканың кайбер районнарында көчле буран булыр дип фаразлый.

Синоптиклар фаразлавынча, 1 декабрьдә Татарстанда буран чыгачак, юлларда бозлавык барлыкка киләчәк. Бу хакта ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.

Матбугат хезмәте хәбәреннән күренгәнчә, 1 декабрьдә иртән һәм көндез кар явачак. Көньяктан искән җилнең тизлеге урыны белән секундына 15 метрга кадәр җитәр дип көтелә. Моннан тыш, республиканың төрле районнарында буран һәм томан, күз күременең 1 километрга кадәр начараюы көтелә.

Синоптиклар шулай ук юлларда бозлавык хасил булуы хакында кисәтә.

Реклама

«Татар-информ» агентлыгы моңа кадәр хәбәр иткәнчә, КФУ профессоры Казан халкына ялларда кар явачагын һәм көннең җылытачагын вәгъдә иткән иде.

Чыганак: https://tatar-inform.tatar/news/society/30-11-2019/tatarstanda-kar-m-buran-k-tel-5697128

С.Мингатина фотосы

Нравится
Поделиться:
Реклама
Комментарии (0)
Осталось символов: