Әтнә таңы

Татарстан аграрийлары беренче миллион тонна яңа уңыш ашлыгы җыеп алдылар

Татарстанда урып-җыю кампаниясе башланганнан бирле беренче миллион тонна яңа уңыш суктырылган. Татарстан Республикасы Авыл хуҗалыгы һәм азык-төлек министрлыгының оператив белешмәләреннән күренгәнчә, 4 августка республика буенча 253,4 мең га мәйданда бөртекле һәм кузаклы культуралар җыелган, бу барлык мәйданның 16,8% ын тәшкил итә.


Бүгенге көндә республикада 1 млн. 28 мең тонна ашлык суктырылган, уртача уңыш – 40,6 ц/га, суктырылган ашлык күләме буенча Зәй районы алда бара - 62,8 мең тонна. Икенче урында Буа районы - 59,5 мең тонна, өченче урында - Тәтеш районы (51,4 мең тонна).

Июль азагы һәм август башындагы һава торышы начар булуга карамастан, урып-җыю эшләре акрынлап көчәя бара. Дүрт районда игеннәр фаразланган мәйданнарның чирегеннән артык җыелган. Яшел Үзән районында бөртекле культуралар – 33%, Әлки районында – 29%, Нурлат районында – 28,6%, Зәй районында 27,2% ка суктырылган.

Иң югары уңыш Зәй районында - бүгенге көндә ул 62 ц/га тәшкил итә.

Татарстан Республикасы Авыл хуҗалыгы һәм азык-төлек министрлыгы мәгълүматларына караганда, узган елның шул ук датасына республикада бөртекле һәм кузаклы культуралар 97,6 мең га мәйданнан җыелган, 318,7 тонна ашлык суктырылган, уртача уңыш - 32,7 ц/га булган.
Әтнә районында 4 август көненә тиешле мәйданнарның 2,54 мең гектарында урып, 13,2 процент мәйданнардан суктырып алдылар. Бу көнгә барысы 8,9 мең тонна ашлык суктырылды.
Район буенча әлегә уртача уңыш 35 ц/га тәшкил итә.

Реклама

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: