Өйлә намазы укыгыз, дин-кардәшләр

Әлбәттә, имам өчен җәмәгатьне мәчеткә, җомга намазына килми торырга чакыру бик авыр хәл.

Әмма явыз чир таралуын кисәтү йөзеннән, шулай эшләргә туры киләчәк.

Бу уңайдан "Гаилә" мәчете имам-хатыйбы Рөстәм хәзрәт Хәйруллин сүзләрен кабатлау урынлы булыр. "Җомга мөбарәк булсын! Бүген җомга вакытында өйләребездә өйлә намазын укыйбыз. Күбрәк дога кылыгыз, Раббыбыздан бу афәттән котылу сорагыз, мәчетләрдә бергә-бергә намазларга янә җыелу тизрәк насыйп булсын", - ди ул.