«Гадел Россия» партиясе лидеры, Дума фракциясе башлыгы Сергей Миронов декрет пособиеләрен түләү вакытын өч елга кадәр, шулай ук аларның күләмен төбәк яшәү минимумына кадәр арттырырга тәкъдим итте.
«Хәзер пособиене яшь ярымга кадәр балаларга түлиләр, гәрчә декретның максималь срогы - өч ел. Пособие бала карау буенча өч еллык отпускны да түләргә кирәк», - диде Миронов РИА Новостига.
Шулай ук, аның сүзләренчә, декрет пособиеләре күләмен региональ яшәү минимумына кадәр арттырырга кирәк.
«Эшләүчеләр өчен пособие хезмәт хакына карап исәпләнә. Без аны арттырырга тәкъдим итәбез. Бер бала караганда – хезмәт хакының 40 тан 100 процентка кадәр арттырырга, ике һәм аннан да күбрәк бала өчен – 200 процентка кадәр», - дип тәкъдим итте партия лидеры.
Нет комментариев