Әтнә таңы

Рәҗәб аена кердек

Мөселман халкы изге Рәҗәб аена аяк басты: 24 февраль, дүшәмбе көнне кояш баегач Хиҗри календарь буенча яңа ай фазасы – Рәҗәб ае башланды.

Бу уңайдан Татарстан Республикасы мөфтие Камил Сәмигуллин мөрәҗәгать белән чыкты. “Рәҗәб ае Раббыбыз тарафыннан аеруча олыланган 4 изге айның берсе булу өстенә, безне озакламый Рамазан җитүе турында да искәртеп тора”, - дип белдерде мөфти.

Өч ай – Рәҗәб, Шәгъбан, Рамазан – фазыйләтле, өстенлекле айлар. Хәдисләрдә әйтелүенчә, Рәҗәб аеның беренче җомгасында Пәйгамбәребезнең әтисе Габдуллаһ белән әнисе Әминә никахлаша. Бу айда гаҗәеп могъҗиза була – Пәйгамбәребез Мәккәдән Иерусалимга сәфәр кыла – бу Исра дип атала. Шунда “Сидрател мүнтәхә” дип аталган җиргә күккә аша – монысы “Мигъраҗ” дип йөртелә.  Менә шунда Раббыбыз мөселманнарга өч бүләк ясый: 5 вакыт намаз фарыз була, “Бәкара” сүрәсенең ахыргы аятьләре иңә һәм Пәйгамбәребезгә “Кыямәт көнендә үз өммәтен яклау хокукы бирелә. Рәҗәб – хәрәм ай санала, шуңа күрәһәртөрле гөнаһлар кылудан, сугышлардан тыелырга кирәк. Рәҗәб – хәерле гамәлләр һәм гыйбадәтләр өчен саваплар арттырып бирелә торган чор. Рәҗәб ае беленә башлауга Расүлебез өстәмә намазлан, догалар укыган, ураза тоткан, сәдака биргән.

Җәмәгать! Шушы сөннәткә иярегез, ким-хур булмассыз.

Чыганак: https://pixabay.com/ru/illustrations/%D1%81%D0%BB%D0%B0%D0%B2%D0%B0-%D0%B1%D0%BE%D0%B3%D1%83-%D0%B1%D0%BB%D0%B0%D0%B3%D0%BE%D0%B4%D0%B0%D1%80%D0%B5%D0%BD-%D0%BA%D0%BE%D1%80%D0%B0%D0%BD-%D1%81%D0%B2%D1%8F%D1%82%D0%BE%D0%B9-2070011/

Реклама

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: