Әтнә таңы

Үзгә хисләр кирәк бүген!..

Шигырь яратучыларга.

Буран көтәм!..
Мөлдерәмә хисләремне
Буран алып китәр күк. Г.Латыйпова

Бураны да юк, хисе дә...
Фасылында ел адашкан.
Гомер буйлап бүлә торгач,
Кичерешләр мең саташкан.
Бураны да юк, хисе дә,
Битарафлык һәр мизгелдә.
Үткән тормыш чагыла күк
Яуган бозның бөртегендә.
Тайгак юлда уза көнем,
карлы-яңгыр сөйли зарын.
Салават күпере чыккан
кызыктырмак булып барын.
Тик оныткан: бер елмаю
әле чынлап сөю түгел.
Адашырлык буран кирәк,
үзгә хисләр кирәк бүген.
Яңа елга бар өметем,
имин елны китер, Раббым!
Буталмасын илләр, чорлар,
томаналык инде җитәр.
Кыерсытма татарыңны,
дәрәҗәсен зурлап сөйләт.
Балаларга, оныкларга
ата-баба телен өйрәт!..
...Тилмертмә син Табигатьне,
асылына кайтсын җиһан!
Агаруны, яңаруны...
үҗәтләнеп көтә бу җан.
Буран дулый! Сагындырган...
#СүрияМингатина,
30.12.2019

Ф.Кадимов фотосы

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: