Балык то­туда үзгәрешләр

25 апрель 5 июнь аралыгында күпләп балык тоту катгый тыела. Аны бары тик яр буеннан ике генә  энәсе  булган кармакка, уылдык чәчү урыныннан тыш башка җирдә генә тоту рөхсәт ителә. Таләпләр үтәлмәгән очракта һәм браконьерлык белән шөгыльләнгән өчен административ яки җинаять җаваплылыгына тарту каралган. Су биологик ресурсларын контрольдә тоту, күзәтү һәм саклауның Татарстан Республикасы буенча дәүләт бүлеге әнә шул хакта кисәтә.